Sirf ilm se na rakh ragbat, kabhi aahsassat bhi mang le

Mehsoos karna aasa nahi, kabhi aapne dil ki bhi maan le

Ilm ke khatir bhatakte hai dar ba dar, kya jushtuju thi wo – ki kabhi luqma khaye bagair bhi ilm ke khatir guzari hai logon ne zindagi,

Kyu rahta hai abdul tu khoj – e- ilm mai, kabhi muhabbat ka luqma tune chaka nahi?

Kya karega us ilm ka, jiski koi inteha nahi, Jab aamal na hosake zindagi mai to phir hiqmat bhi bekar rahi

Sirf chand baatein seekh lena nahi poucha degi tujhe aarsh per, kyuki agar kisi ka dil toda hoga tune to mushkil hai us makam-e-buland ko hasil karne ka safar..

Jab rahman aata hai rab ke naamoon mai bhi, phir kyu nahi ba’tatta is ilm ko jo hasil kar raha hai tu musalsal rehman ke khazane se hi

Salam to naam hai uska, jisse pure aalam mai sukoo pur- sukoo hai, per kya tere dil mai Al nur ki chahat ka noor hai?

Puchta hai tu rab se – Mujhe ilm, hiqmat, rizq, aur behtareen se behtareen dhuniya o aakhirat de, per kya tere dil mai usse milne ka aahsaas mujood hai?

Ilm hasil karke samjhega tu uski qadar – o – jalal, magar aamal na huwa to kaise samjhega tu uski takleeq –e – Insaan.

Jab baat hoti hai muhabbat ki to aata hai sabse pehle mere rab ke mehboob ka naam, aakhir Muhammad (Sal-lal-lahu-aalai-hi-wasalam) ko bheja tha rab ne dhuniya mai bana kar rehmat ka paigam.

Chalo ham bhi chale ab ussi oor jaha se paigam aaya tha, agar muhabbat na ho dil mai to viraan hai wo samandar jaha ek waqt meethe pani ka paimana tha .

— Abdul Gani Punjabi